पोखरा नेपालकै प्राकृतिक सौन्दर्यले भरिएको एक अत्यन्त सुन्दर सहर हो। यहाँ नेपालका विभिन्न जिल्लाबाट बसाइँसराइ गरी आएका विभिन्न समुदायहरूको बस्तीहरू बसोबास गर्दै आएका छन्। पहिले पोखरा भारतीय पेन्सन क्याम्प र बेलायती लाहुरेहरूको बसोबासका कारण चिनिने सहरका रूपमा परिचित थियो। समयको परिवर्तनसँगै पोखराको पहिचान पनि फराकिलो बन्दै गएको छ।
अहिले पोखरामा अन्तर्राष्ट्रिय विमानस्थल सञ्चालनमा आएसँगै सिधै पोखरा अवतरण गर्न सकिने सहरका रूपमा चिनिन थालेको छ। यसका कारण यहाँ जनसंख्या बढ्दै गएको छ र जीवनयापन खर्च पनि क्रमशः महँगो हुँदै गएको अवस्था देखिन्छ।
पोखराका प्रमुख आकर्षणहरूमा फेवाताल र माछापुच्छ्रे हिमालको मनमोहक दृश्य पर्दछन्। सराङकोटको उचाइबाट बिहानको झुल्के घामसँगै देखिने हिमश्रृंखलाले पर्यटकहरूलाई अत्यन्त आकर्षित गर्छ। साथै, डेभिड फल्स, चाइनिज गुम्बा जस्ता पर्यटकीय स्थलहरूले पनि नेपाली र विदेशी दुवै पर्यटकहरूको मन लोभ्याउने गर्छन्।
फेवातालको किनारमा अवस्थित लेकसाइड क्षेत्र विशेष गरी विदेशी पाहुनाहरूको रोजाइमा परेको छ। त्यसैले पोखरा नेपालकै प्रमुख पर्यटन क्षेत्रका रूपमा चिनिने सहर बनेको छ।
